Të paktën 30 persona kanë mbetur të lënduar si pasojë e një aksidenti të ndodhur këtë të shtunë në rrugën nacionale Prishtnë- Pejë, pranë fshatit Vragoli të Prishtinës. Në aksident janë përfshirë një autobus me nxënës, një kamion dhe një makinë.
“Në ora 15:50, policia është njoftuar për një aksident trafiku të ndodhur në rrugën nacionale Prishtinë-Pejë (fshati Vragoli). Në aksident është përfshirë një autobus me targa të huaja, një kamion me targa vendore dhe një veturë po ashtu me targa vendore. Njësitet përkatëse policore kanë dalë në vend-ngjarje. Si pasojë e aksidentit janë dhjetëra persona që kanë pësuar lëndime. Janë njoftuar edhe ekipet mjekësore. Më pas do t’u ofrojmë të dhëna të përditësuara lidhur me aksidentin”, thuhet në njoftim.
