Një aksident i rëndë është shënuar pasditen e sotme në kryeqytet. Ngjarja ka ndodhur në afërsi të QSUT-së dhe pamjet e publikuara në rrjetet sociale tregojnë një person të shtrirë në tokë, i cili duket në gjendje të rëndë shëndetësore.
Sipas informacioneve paraprake, ai është përplasur nga një automjet, teksa ka qenë duke kaluar rrugën. Burri është i shtrirë në tokë dhe i larë në gjak.
Siç duket, as ambulanca e as policia nuk ka shkuar në vendngjarje.
Indrit Hoxha, personi që ka publikuar videon në rrejtin social Facebook, bën me dije se ngjarja ka ndodhur vetëm 50 metra larg QSUT-së, ndërsa autoambulancës i janë dashur 30 minuta për të mbërritur në vendngjarje.
