Një aksident fatal ka ndodhur në aksin rrugor që lidh Rivoltan me Pandinon në Itali Aksidenti i ka shkaktuar vdekjen një shqiptari. Një bandë grabitësish shqiptarë që u përpoqën t’i iknin karabinierëve u përfshinë në një aksident rrugor. Njëri nga tre hajdutët gjeti vdekjen.
Mediat italiane shkruajnë se mbrëmjen e shkuar rreth orës 22:30 minuta një makinë tip BMW, me tre shqiptarë në bord doli jashtë rrugës. Edhe dy personat e tjerë raportohen të plagosur rëndë . Forcat e rendit dhe dy ambulanca shkuan menjëherë në vendin e ngjarjes duke transportuar të plagosurit për në spital.
Trupi i pajetë i shqiptarit u nxorr nga makina rreth orës 1:30 minuta. Mjeti i shkatërruar plotësisht u largua prej andej me kamion rreth orës 02:00 të mëngjesit të sotëm.
Si pasojë e aksidentit, ka humbur jetën 31 vjeçari shqiptar me iniciale A.K, banues në Cassano d’Adda. Kanë mbetur të plagosur rëndë dy bashkëkombësit e tij, ku njëri është transportuar për në spitalin e Brescias dhe tjetri në spitalin e Kremones./Balkanweb.com
