Një aksident rrugor është regjistruar mëngjesin e sotëm te zona e Brrylit në Tiranë.
Sipas informacioneve, dy automjete janë përplasur me njëra-tjetrën, e për pasojë njëra prej tyre ka përfunduar duke u përplasur me pemën dhe duke shkatërruar kangjellat e vendosura anë rrugës.
Ndërkohë, automjeti tjetër ka ngelur në mes të rrugës. Dyshohet paraprakisht që shkak i aksidentit është bërë shkelja e semaforit nga njëri prej mjeteve.
Fatmirësisht nuk ka të lënduar por vetëm dëme materiale.
Grupi hetimor ka shkuar në vendin e ngjarjes dhe po vijon hetimet për shkaqet e aksidentit.
