Ngjarja e rëndë e përplasjes së dy trenave në Greqi ka tronditur vendin fqinj, ndërsa mjekët paralajmërojnë se numri i viktimave mund të rritet.
Mediat greke shkruajnë se trupat e viktimave të tragjedisë hekurudhore të ndodhur mbrëmjen e së martës në Tempi vazhdojnë të transportohen për në Shërbimin e Mjekësisë Ligjore të Larisës.
Në Spitalin e Përgjithshëm të Larisës, shefja e Shërbimit Mjekësor Rubini Leontari, ka dhënë një deklaratë për mediat, ku ka thënë së autoritetet janë në proces identifikimi të viktimave.
“Kjo është një tragjedi masive. Jemi në proces të identifikimit të trupave nga aksidenti i trenit në Tempe. Ky është një proces i mundimshëm që kërkon kohë. Është me të vërtetë e pabesueshme ajo që ka ndodhur”, raporton mjeku mjekja Leontari, e cila ka ndërmarrë procesin e nekropsisë së të vdekurve.
Ajo po ashtu ka theksuar: “Jemi në komunikim të vazhdueshëm me Ministrin e Drejtësisë, jemi në bashkëpunim të plotë me spitalin, guvernatorin dhe ministren e Shëndetësisë që janë këtu dhe me policinë që ka mbi supe detyrën tragjike të identifikimit të kufomave. Është një detyrë shumë e vështirë pasi trupat janë në gjendje shumë të keqe, do të duhen shumë orë, ndoshta edhe deri në pasdite trupat do të vazhdojnë të vijnë. Pasi të ketë mbaruar kjo fazë e dhimbshme për ne dhe familjet, atëherë do të fillojmë puna e autopsive, nekropsive dhe e kthimit të kufomave”.
Siç tha zonja Leontari, puna e identifikimit është shumë e vështirë pasi shtatë trupa janë djegur plotësisht. “Ka ndodhur një fatkeqësi masive që Greqia nuk e ka parë ndonjëherë.”/Opinion.al
