Një javë pas aksidentit tragjik të Sukthit me 4 viktima, denoncohet humbja e dy telefonave celularë të njërës prej viktimave. Kushërira, e 23 vjeçares Greta Sherifi, me iniciale N.E., ka kontaktuar “Jetaoshqef”, duke kërkuar ndihmë për gjetjen e telefonave. Sipas saj, familjarëve u janë dorëzuar disa sende pa vlerë, por jo telefonat e Gretës. Ata janë të gatshëm të paguajnë, vetëm që telefonat t’ju kthehen, pasi aty kanë kujtimet me Gretën.
Kushërira iu bën thirrje personave që kanë telefonin që të mendojnë për dhimbjen e familjarëve dhe t’ua kthejnë, pasi janë e vetmja gjë që u ka ngelur nga vajza e tyre. Ndërkohë, e pyetur për dy shoqet e tjera të Gretës, kushërira thotë se familjarët e tyre i kanë marrë sendet personale, duke qenë se vlera e atyre telefonave nuk ishte aq e lartë.
Denoncimi i kushërirës
“Përshëndetje JOQ! Dua ndihmën tuaj. Nga vendi i aksidentit në 13 tetor në Sukth me viktima tre gocat, janë humbur dy telefonat e Greta Sherfiti, një “iPhone 6” dhe një “iPhone 7”. Ju lutemi postojeni nëse dikush i ka ose di diçka ne si familje jemi te gatshëm t’ju japim lekë vlerën e telefonave që t’i blejnë të rinj. Telefonat e Gretës i duam pasi aty na ka lenë terë kujtimet e saja. Ju lutemi te na i kthej pas kush i ka. Shume faleminderit ju lutem postojeni. Unë jam kushërira e saj, por u rritëm në një shtëpi, qe motra ime e vogel. Javës tjetër do behet edhe denoncimi në polici se prindërit s’janë akoma në gjendje. Është gjetur vetëm çanta e saj e hapur me cigaret, portofolin me 4 mijë lekë brenda e ca gjëra pa vlerë, por telefonat nuk u gjetën.
Më tej, ajo bën me dije se po atë ditë pas aksidentit dikush është futur në Facebook-un e 23-vjeçares, çka lë dyshime se telefonat janë vjedhur pas aksidentit.
