Një burrë humbi jetën në aksident mbrëmjen e vonë të së dielës. Policia ka ndaluar drejtuesen e mjetit, një shtetase kosovare, 47 vjece nga Gjakova.
Policia bën me dije se mjeti tip Skoda me targë KS 01-168 KR ka përplasur një këmbësor, akoma të pa identifikuar, i cili ka gjetur vdekjen e menjëhershme.
Drejtuesja e mjetit, 47-vjeçarja me iniciale L. M. është shoqëruar në ambientet e Komisariatit të Policisë Shkodër për veprime të mëtejshme.
Aksidenti rrugor ndodhi në aksin Shkodër-Bushat, në vendin e quajtur “harku i Bërdicës” rreth orës 22:30 të së dieles. Grupi hetimor po kryen veprimet për sqarimin e rrethanave të aksidentit.
*Foto nga vendi i aksidentit
