Janë zbardhur detaje të reja lidhur me aksidentin masiv, i cili ndodhi pranë “Pallatir me Shigjeta” mbrëmjen e djeshme, ku u përfshinë 4 automjete.
Sipas uniformave blu mësohet se dy makina kanë qenë duke ndjekur njëra-tjetrën dhe kanë përplasur dy mjete të ndaluara në semafor.
Pas aksidentit, dy shoferët 28 vjeç dhe 35 vjeç, kanë braktisur automjetet që drejtonin dhe janë larguar nga vendngjarja.
Gjatë kontrollit në automjetin që dyshohet 28-vjeçari, policia ka gjetur një predhë të dyshuar armë zjarri pistoletë.
“Specialistët për Hetimin e Krimeve të Komisariatit të Policisë Nr. 2: Shpallën në kërkim shtetasit E. K., 28 vjeç dhe Z. T., 35 vjeç, pasi mbrëmë, rreth orës 23:20, afër pallatit me shigjeta, dyshohet se duke ndjekur njëri-tjetrin, me automjete, kanë përplasur 2 automjete të ndaluara në semafor.
Pas përplasjes me dëme materiale, ata kanë braktisur automjetet që drejtonin dhe janë larguar.
Gjatë kontrollit në automjetin që dyshohet se e drejtonte shtetasi E. K., shërbimet e Policisë kanë gjetur një predhë të dyshuar arme zjarri pistoletë. Punohet për kapjen e 2 shtetasve të shpallur në kërkim dhe për dokumentimin e plotë të ngjarjes”, njoftoi policia.
