Tre persona janë plagosur të martën në vendin e quajtur Vajkan në aksin rrugor Lushnjë-Fier, për pasojë të një aksidenti automobilistik.
Në aksident janë përfshirë dy automjete, një ‘Benz’ i drejtuar nga 46-vjeçari me inicialet M.M, i cili është përplasur me mjetin tip ‘Opel’ me drejtues 52-vjeçarin D.J.
Mësohet se të dy drejtuesit e mjeteve banojnë në të njëjtin fshat, ku edhe ndodhi aksidenti.
Burimet nga policia thanë se për pasojë janë dëmtuar pasagjerët, shtetasit A.M, 52-vjeç, E.M, 41-vjeç dhe B.P, 39-vjeçe, të cilët ndodhen në Spitalin Rajonal të Fierit nën kujdesin e mjekëve.
Grupi hetimor po punon për zbardhjen e plotë të ngjarjes.
