Policia ka dhënë informacion zyrtar në lidhje me aksidentin e regjistruar pasditen e sotme në rrugën “Dritan Hoxha” në vendin e quajtur “Semafori i Laprakës”.
Sipas autoriteteve në këtë aksident janë përfshirë 6 automjete. Në këtë aksident janë përplasur një taksi, një autobus, një makinë policie dhe automjete të tjera.
Policia bën me dije se si pasojë e aksidentit janë dëmtuar drejtuesi dhe pasagjeri në automjetin e policisë shtetasit E. Gj dhe E. J si dhe drejtuesi i automjetit taksi shtetasi A. M, të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për përcaktimin e shkakut të aksidentit.
