Një aksident i rëndë ka ndodhur dje në Tivar të Malit të Zi ku ka mbetur i vdekur një i ri nga Tirana dhe disa të tjerë janë plagosur.
Nga të dhënat e para mësohet se viktima quhet Enea Rama, por ende nuk është e konfirmuar zyrtarisht. Ndërsa i plagosur rëndë ka mbetur Shpresim Barajktari, vëllai i Vis Bajraktarit, të dashurit të Lori Hoxhës.
Në aksident kanë mbetur të plagosur edhe 4 persona të tjere, identiteti i të cilëve ende nuk dihet.
Shqiptarët mësohet se lëviznin me një “Porsche Pamera” dhe u përplasën me një makinë “Toyota Jaris” me targa të Tivarit.
Përplasja e dy automjeteve ka qenë aq e fortë, sa një prej makinve ka plagosur edhe 2 kalimtare të rastit. Gjithsej 6 të plagosur.
Përplasja ka rezultuar fatale për të riun shqiptar i cili ndërroi jetë në vendin e ngjarjes.
Mediat malazeze shkruajnë se mes te plagosurve, identiteti i te cileve nuk behet me dije, ka edhe fëmijë, që ndodheshin në mjetin me targa të Tivarit.
Pritet nje informacion zyrtar nga ana e policisë për ngjarjen e rëndë në Malin e Zi.
