Policia ka dhënë detaje për aksidentin tragjik të Laprakës ku vdiq një vajzë 28 vjeçe dhe 3 të tjerë u plagosën mes tyre një efektiv policie. Policia tha se Ervin Bixhi, 26 vjeç, banues në Tiranë është shkaktar i aksidentit fatal ku mbeti e vdekur një vajzë të cilën e kishte në makinë. Ai ka qenë duke drejtuar mjetin nën ndikimin e alkoolit.
Automjeti tip “Jeep” drejtuar nga Bixhi është përplasur me automjetin po “Jeep”, me drejtues shtetasin Gj. K., 42 vjeç, oficer policie, në rrugën “Dritan Hoxha”, Laprakë.
Si pasojë e kësaj përplasje, ka gjetur vdekjen Xhenis Trebeshina, 28 vjeçe, banuese në Tiranë, si dhe ka mbetur e plagosur shoqja e saj F. F., 25 vjeçe, banuese në Tiranë, e cila ndodhet në Spitalin e Traumës jashtë rrezikut për jetën. Të dyja vajzat ishin pasagjere në automjetin që drejtohet nga Ervin Bixhi. Edhe pononjësi i policisë që u përfshi në aksident është jashtë rrezikut për jetën. Opinion.al sjell fotot nga vendi i ngjarjes
