Është rënduar bilanci i aksidentit të mbrëmjes së djeshme në Kavajë ku numri i viktimave ka arritur të 3.
Fillimisht ka ndërruar jetë Lumturie Demrozi 46-vjeç, e cila po ecte në trotuar me dy vajzat e saj në momentin e aksidentit dhe më pas pasegjeri i makinës Gentjan Belba 23 vjeç.
Në orët e para të mëngjesit ka ndërruar jetë edhe shoferi i makinës tip ‘Benz’-it me targa AA 615 VO , Vilson Cara 24-vjeç.
48-vjeçarja Lumturie Demrozi ishte duke ecur në trotuar bashkë me dy vajzat e saj në Kavajë, kur janë përplasur nga një automjet tip “Benz” me targa AA615VO.
Përplasja ka qenë fatale për gruan, e cila ka ndërruar jetë ndërsa në spital janë dy vajzat e saj. Sipas hetimeve paraprake makina ku po udhëtonin dy të rinj humbi kontrollin si pasojë e lagështirës dhe shpejtësisë duke dalë nga rruga.
Në tentativë për të manovruar makina goditi bazamentin metalik të reklamës së një pike karburanti duke marrë më pas përpara nënën me dy vajzat që po ecnin në trotuar./Opinion.al/
