Një 26-vjeçar ka humbur jetën mëngjesin e sotëm gjatë një aksidenti të ndodhur në rrugën Fushë Krujë-Kurbin.
Mësohet se një makinë tip “Audi” ka humbur kontrollin duke u përplasur me bordurën anësore të rrugës, ku për pasojë ka humbur jetën pasagjeri në mjet rreth 26 vjeç.
Drejtuesi i mjetit është transportuar në spital dhe po merr ndihmën e nevojshme mjekësore. Ndërkohë, bëhet me dije se makina “Audi” me targa AA 603 IG, me të cilën po udhëtonin ka qenë e vjedhur në qytetin e Laçit.
Gjatë inspektimit, policia ka gjetur brenda në makinë dy palë targa, maska dhe doreza./ Opinion.al
