Një aksident i rëndë u shënua mbrëmjen e sotme në aksin Elbasan-Librazhd në afersi te fshatit Mirake. Policia konfirmon vdekjen e drejtuesit te mjetit,Gentian Pepa, ndërsa i plagosuri, Elton Poci, 31 vjec pasagjer është në gjendje të rëndë për jetën.
Makina u përplas me autobusin me nxënës që ishte duke u kthyer nga një eskursion, dhe fatmirësisht mësohet se asnjë nga nxënësit nuk është lënduar.
Njoftimi i plote i policise
Më datë 17.11.2018, rreth orës 20:30, në aksin rrugor Elbasan- Librazhd, në fshatin Mirakë, është përplasur autobuzi me targa AA 121 CS me drejtues shtetasin Gj.S., 48 vjeç, banues në Durrës, me mjetin tip “Honda” , me targa AA 352 CK me drejtues shtetasin G.P.
Si pasojë e përplasjes, drejtuesi i mjetit Honda shtetasi G.P. 25 vjeç, banues në Librazhd ka humbur jetën rrugës për në spital, ndërsa pasagjeri i mjetit Honda shtetasi E.P është është transportuar për në spital për ndihmë mjeksore.
Nga përplasja nga pasagjerët e autobuzit nuk është lënduar
Grupi hetimor ndodhet në vendngjarje dhe po punohet për zbardhjen e shkakut të aksidentit.
