Policia e Elbasanit arrestoi një 27-vjeçar, si shkaktar i aksidentit të ndodhur dje në aksin Peqin-Rrogozhinë, ku mbeti e vdekur një grua.
Sipas policisë, 27-vjeçari F.H. teksa drejtonte mjetin tip “Toyota” është përplasur me një mjet tjetër dhe si pasojë ka gjetur vdekjen shtetasja F.B., 65 vjeçe, banuese në Korçë, si dhe janë dëmtuar dhe dy shtetas të tjerë, jashtë rrezikut për jetën, të cilët ishin pasagjer në mjetin “Toyota”.
Materialet hetimore i kaluan Prokurorisë pranë Gjykatës së Shkallës Parë Elbasan për veprën penale “Shkelje e rregullave të qarkullimit rrugor”./Opinion.al
