Janë identifikuar dy viktimat që humbën jetën në aksidentin e ndodhur mëngjesin e sotëm në autostradën Tiranë-Durrës, ku një 26-vjeçar humbi drejtimin mbi automjetin dhe për pasojë automjeti është përplasur me trafikndarësen.
Sipas “News 24”, bëhet fjalë për Silva Gjergji, 26-vjeçe, banuese në Mirëditë dhe 24-vjeçarja Roxhesa Klironomi, banuese në lagjen nr.5 në Durrës.
Ndërkohë, i lënduar mbeti dhe drejtuesi i mjetit, 26-vjeçari, Arbër Tivari, banues në lagjen nr.11 në Durrës, i cili është transportuar në Spitalin e Traumës në Tiranë, ndërsa thuhet se ndodhet në gjendje të rëndë shëndetësore./Opinion.al
