Një 48-vjeçar është arrestuar nga policia pasi ka përplasur me makinë një 80-vjeçar teksa po lëvizte me biçikletë në aksin rrugor “Fier-Lushnjë”.
Policia bën me dije se në pranga ka rënë shtetasi A.I., banues në Lushnje, ndërsa 83-vjeçari i aksidentuar ndodhet në spital, nën kujdesin e mjekëve.
“Në vijim të informacionit të dhënë pasditen e djeshme, për një aksident në aksin rrugor “Fier-Lushnjë”, ku automjeti me drejtues shtetasin A. I., 48 vjeç, banues në Lushnjë, ka përplasur biçikletën me të cilën lëvizte shtetasi S. K., 83 vjeç, ju informojmë se specialistët e Policisë Rrugore të DVP Fier arrestuan në flagrancë 48-vjeçarin”, njofton policia./Opinion.al
