Një person humbi jetën gjatë një aksidenti të ndodhur ditën e djeshme në aksin rrugor Korçë-Pogradec.
Viktima e këtij aksidenti ishte 53-vjeçari Agron Qamo, ndërsa u plagosën dhe katër persona të tjerë.
Mësohet se policia ka arrestuar drejtuesin e mjetit Daniel Hyka, pasi nga hetimet paraprake, rezulton se ai ka bërë një parakalim të gabuar.
Pas këtij parakalimi, mjeti tip “Benz” i Hykës, ka përplasur një tjetër mjet në të cilin ndodheshin 5 anëtarët e një familjeje nga Kamza.
Si pasojë të përplasjes së fortë nga ky aksident mbeti i vdekur babai i dy fëmijëve, Agron Qamo, ndërsa një nga të plagosurit është në gjendje të rëndë shëndetësore dhe është dërguar në spitalin e Traumës në Tiranë./ Opinion.al E.Xh.
