Aksidenti me makinën e Qazim Sejdinit, ja e vërteta sipas policisë së Elbasanit

Menjëherë pas statusit të ish kryeministrit Berisha që njoftonte se makina e kryetarit të Bashkisë Elbasan, Qazim Sejdini kishte aksidentuar një person, ngjarje qe sipas tij po mbahej e fshehur nga policia, ka reaguar edhe Policia e Elbasanit që bën me dije se “Një mjet tip “Benz” me targë AA 359 NK në përdorim nga Bashkia e Elbasanit ka aksidentuar një drejtues motoçiklete, i indetifikuar si A. A, 32 vjeç, i cili ndodhet në spital jashtë rrezikut për jetën. Po sipas Policisë lokale, menjëherë pas aksidentit drejtuesi i mjetit, Xh. F, 51 vjeç, është paraqitur ne policinë lokale të Elbasanit. Por në këtë njoftim Policia e Elbasanit nuk bën me dije nëse makina është në përdorim nga kryetari i Bashkisë Elbasan, Qazim Sejdini, apo jo.