Gjykata e Tiranës ka lënë në burg dy drejtuesit e automjeteve, që u përfshinë në një aksident rrugor në 2 janar në Tiranë në zonën e Porcelanit, duke iu marrë jetën dy kalimtarëve.
Kështu në burg do të qëndrojnë 31-vjeçari Etjon Lazri, që udhëtonte me makinën tip Volkswagen Beetle dhe sipas hetimeve ai ka kryer parakalim të gabuar duke u përplasur me mjetin që drejtohej nga 36-vjeçari Edmond Murati.
Nga veprimet e para hetimore ka rezultuar se shkak për aksidentin ku humbën jetën 36-vjeçari Erion Balla dhe 72 –vjeçarja Hidajete Saliu është bërë shpejtësia tej normave të lejuara dhe manovra e gabuar e drejtuesit të mjetit për t’u kthyer në një rrugë dytësorë.
Nga ana tjetër për ekspertët e sigurisë rrugore, sinjalistika në rrugën që të çon drejt Porcelanit e cila sapo është vijëzuar është e paplotë dhe nuk i orienton si duhet drejtuesit e automjeteve që të qarkullojnë pa rrezikuar./ Opinion.al
