Klevis Ruçaj, 20-vjeçari drejtuesi i “Audit” që shkaktoi aksidentin në afërsi të TEG-ut, rreth një vit më parë ishte pajisur me patentën për drejtim automjeti. Gjithashtu mësohet se brenda pak muajsh, 20-vjeçari ishte gjobitur 5 herë nga policia rrugore për shkelje të rregullave të qarkullimit, kryesisht shpejtësi, përdorim celulari në timon, parakalim dhe veprime të ndaluara.
Rastet e gjobitjes:
1. Për parakalim dhe veprime të ndaluara më 6 shtator
2.Nuk zbatoi sinjalistikën 7 tetor 2022
3.Gjobitur për shpejtësi 15 nëntor 2022
4.Është kapur me celular në drejtimin e mjetit 9 dhjetor 2022
5.Pa siguracion dhe nuk zbatoi sinjalistikën 27 janar 2022
Aksidenti tragjik u regjistrua ditën e djeshme rreth orës 17:40 minuta. Policia bëri me dije se automjeti tip “Audi” me drejtues 20-vjeçarin, ka qenë duke udhëtuar në unazën lindore me drejtim lëvizje nga Farka për tek rrethrrotullimi pranë TEG, dhe pasi ka humbur kontrollin, ka thyer barrierat rrethuese te mbikalimi dhe ka përfunduar në autostradën Tiranë-Elbasan, duke aksidentuar automjetin tjetër tip “Honda”, me drejtues shtetasin me iniciale Q. K., rreth 60 vjeç.
Si pasojë e aksidentit rrugor humbën jetën të tre personat që udhëtonin në automjetin “Audi”, ndërsa mbetën të plagosur shtetasit A. K., 51 vjeç, O. K, 24 dhe Q. K, rreth 60 vjeç, që udhetonin me automjetin tjetër./Opinion.al
