Është shënuar viktima e parë në aksidentin masiv të Mamurrasit. Dy makina u përplasën kokë më kokë duke mbetur 5 të plagosur, ku pak minuta më pas njëra prej grave të plagosura ndërroi jetë. Ajo është me profesion mësuese thanë burimet, ndërsa dy të plagosurat e tjera janë motrat e saj.
Po kështu janë plagosur edhe dy burra që ndodheshin më mjetin tjetër tip Benz.
Ngjarja ndodhi tek vendi i quajtuar mbikalimi i Patokut, në rrugën Fushë Krujë – Milot. Nga verifikimet e para, sipas policisë makina në të cilën udhëtonin dy burrat, ishte në korsi të kundërt të rrugës.
Në vendin e ngjarjes kanë shkuar disa autombulanca nga Lezha, Fusha Kruja dhe Laçi. Nga informacionet e deritanishme të plagosurit janë rëndë në Spitalin Ushtarak dhe në QSUT.
/pamje nga vendi i aksidentit
