Një aksident rrugor është regjistruar mbrëmjen e së shtunës në aksin e vjetër Mamurras- Thumanë, ku janë përplasur 3 automjete.
Si pasojë janë lënduar 3 persona të cilët janë dërguar për ndihmë më të specializuar në Spitalin e Traumës në Tiranë.
“Në aksin e vjetër Mamurras- Thumanë, në vendin e quajtur “Kryqëzimi i Adriatikut”, janë përplasur 3 automjete, ku si pasojë kanë marrë dëmtime 3 shtetas, të cilët janë dërguar në spitalin e Traumës, Tiranë dhe ndodhën nën kujdesin mjekësor, jashtë rrezikut për jetën:, njofton policia.
Grupi hetimor ndodhet në vendngjarje dhe po punon për sqarimin e plotë të shkakut të aksidentit./Opinion.al
