Një grua 35-vjeçe ka humbur jetën pasi u përplas nga një makinë, ndërsa dy këmbësorë të tjerë kanë mbetur të plagosur. Aksidenti i rëndë ka ndodhur mëngjesin e sotëm rreth orës 09:20 pranë liqenit në fshatin Mursi të Sarandës.
21-vjeçari Orges Metro, duke drejtuar mjetin tip Benz humbi kontrollin dhe doli nga rruga duke përplasur tre këmbësorët. Për pasojë, humbi jetën 35-vjeçarja Leonarda Boro dhe u plagosën Sajmir Stolla 33 vjeç dhe Gentian Stoqeni 38 vjeç.
Grupi hetimor ndodhet në vendin e ngjarjes duke kryer hetimet në lidhje me përcaktimin e shkakut dhe sqarimit të rrethanave.
*foto ilustruese
