Një aksident fatal u shënua pas mesnate në Laprakë, në rrugën Dritan Hoxha. Opinion.al ka mësuar se viktima quhet Xhenis Trebeshina, 28 vjeç. Ajo ka qenë duke udhëtuar në mjetin që shihni në foto bashkë me 2 persona të tjerë që kanë mbetur të plagosur. Policia tha se është arrestuar drejtuesi i mjetit. Ndërsa në makinën tjetër udhëtonte një efektiv policie që ka mbetur i plagosur. Nuk dihen ende rrethanat, por paraprakisht thuhet se shkak ka qenë shpejtësia e lartë në lëvizje.
Viktima, 28 vjeçarja, Xhenis Trebeshina, vite më parë kishte punuar në ILDKP, thanë burimet për Opinion.al.
