Detaje të reja janë zbardhur rreth aksidentit me pasojë vdekjen në zonën e Bërxullës në Tiranë, ku një fëmijë rreth 7 vjeç humbi jetën nga përplasja e dy mjeteve.
Sipas tvklan, njëri nga mjetet pasi u përplas me makinën tjetër, përfundoi në fasadën e një lokali buzë rrugës.
Pikërisht brenda këtij lokali, në pjesën e xhamerisë, aty ku përfundoi dhe një nga mjetet, qëndronte fëmija.
Mësohet se lokali është në pronësi të babait të fëmijës. Si pasojë e përplasjes, i mituri humbi jetën në vend.
Ndërkohë, policia është duke hetuar shkaqet e përplasjes mes dy automjeteve. Paraprakisht dyshohet që shkak të ketë qenë shpejtësia e lartë ose parakalimi i gabuar.
Shoferët e dy mjeteve nuk kanë pësuar lëndime. Ata u pyetën nga policia për dinamikën e aksidentit./Opinion.al
