Një aksident i rëndë pasditen e së shtunës i mori jetën një të mituri që po qëndronte në lokalin e babait të tij në Bërxull.
9-vjeçari u përplas nga një makinë “Toyota” e cila pasi është përplasur me një tjetër mjet i ka rënë murit të lokalit në të cilin po qëndronte vogëlushi.
Policia njoftoi se ka arrestuar drejtuesit e të dy mjeteve, ndërsa bëhet me dije se drejtuesi i mjetit tip “Toyota”, i identifikuar si shtetasi Naim Allmeta, 63 vjeç, ka qenë i dehur. Shoferi tjetër është identifikuar si shtetasi E.Hajdini.
Njoftimi i policisë:
Në vijim të informacionit paraprak të dhënë ditën e djeshme në lidhje me aksidentin e ndodhur në Bërxullë, specialistët e Qarkullimit Rrugor arrestuan shtetasit N. A., 63 vjeç, banues në Kodër Kamzë, dhe E. H., 30 vjeç, banues në Paskuqan.
Shtetasi N. A., duke drejtuar automjetin tip “Toyota”, në gjendje të dehur, është përplasur me automjetin tip “Dacia”, me drejtues shtetasin E. H. Nga përplasja automjeti tip “Toyota” ka dalë nga rruga dhe është përplasur me murin e një lokali duke aksidentuar një shtetas të mitur 9-vjeçar. I mituri nga dëmtimet e marra ka ndërruar jetë në vendngjarje.
Materialet i kaluan Prokurorisë, për veprime të mëtejshme procedurale.
