Policia franceze ka nisur kërkimin për një fanse të çiklizmit, që shkaktoi një nga aksidentet më të rënda në historinë e “Tour de France”. Prokurorët në krahinën franceze të Britanisë nisën një hetim, pas dëmtimit të 21 çiklistëve.
Ata u përplasën me tifozen, e cila mbante një tabelë në dorë dhe kishte dalë në anë të rrugës me fytyrë nga kamerat. Tifozja rrezikon që të dënohet deri në një vit heqje lirie dhe një gjobë me vlerë 15 mijë Euro.
Gruaja e paidentifikuar, e cila pas aksidentit u largua mbante në dorë një tabelë që shkruante” Forca gjysh-gjyshe”, një miks gjuhësh gjermanisht dhe frëngjisht. Rrëzimi i çiklistëve ndodhi në fazën e parë.
Tony Martin i cili po printe në të djathtë të garuesve u përplas me krahun e saj dhe u rrëzua, e pas tij ra e gjithë skuadra e “Jumbo Visma”. Çiklisti gjerman Jasha Sutterlin u detyrua që ta linte garën për shkak të dëmtimeve të marra nga rrëzimi.
Hetuesit konfirmuan se ata kanë hapur një procedim penal, ku e akuzojnë fansen se me qëllim, ka thyer rregullat e sigurisë duke shkaktuar dëmtime që mund ta ndalojnë një çiklist që të mos garojë dot deri në tri muaj.
