Një nga dëshmitarët i cili ka qenë i pranishëm gjatë momentit të rrëzimit të autobusit të linjës Shkup-Tetovë, pranë fshatit Llaskarcë, është shkrehur në lot ndërsa ka rrefyer çastet kur është përpjekur të nxjerrë nga rrënojat udhëtarët.
Ai tha se ka qenë ai që ka nxjerrë i pari shoferin e autobusit të cilin më pas e ka transferuar në spital.
“Shoferi ka dalë nga autobusi nga dritarja, pasi mjeti është rrokullisur. Ai ka qenë në gjendje të rëndë, por nuk ka pasur vetëdije. Është një tragjedi që nuk mund ta përshkruaj edhe unë si banor i këtij fshati. Kam çuar në spital edhe 6 persona të tjerë të cilët kanë qenë në gjendje të rëndë. Nuk konstatova as gjendje alkoolike te shoferi se do e kisha kuptuar. Thjesht ishte shumë i tronditur. Shoferi ishte maqedon, por ne nuk kemi parë nëse ishin maqedon apo shqiptarë. Nuk mund ta përshkruaj dot gjendjen e personave që i kishte zënë poshtë autobusi”, tha në mes të lotëve banori i fshatit.
https://www.facebook.com/tv21hd/videos/2267604469969406/
