Katër nga dhjetë viktimat e aksidentit të rëndë në Slavonski Brod të Kroacisë janë nga qyteti i Gjakovës. Lajmi është konfirmuar për mediat vendase nga Kryetari i Komunës së Gjakovës, Ardian Gjini.
Është fjala për për nënë e bijë nga fshati Deve i kësaj komune, një grua nga Lipoveci dhe një nga shoferët e autobusit, për të cilin është raportuar edhe gjatë ditës.
Ndërkohë mes viktimave të aksidentit është edhe 18-vjeçarja Anjeza Bellanica nga Krusha e Madhe, e cila duket se është dhe viktima më e re në këtë ngjarje të rëndë. Sipas Klan Kosova, ka qenë daja i saj i cili ka shkruar në Kroaci dhe ka njoftuar se ka arritur që ta konfirmojë vdekjen e Anjezës./Opinion.al
