Lidhur me këtë çështje, deputeti i mazhorancës Arben Pëllumbi pritet të depozitojë një propozim ligjor, i cili prek të gjithë ata drejtues mjetesh të moshës 18 deri në 22 vjeç.
Ky propozim parashikon që shoferët e rinj të kenë kufizime jo vetëm në përdorimin e mjeteve më fuqi të lartë motorike, por jo vetëm. Kufizimet do të jenë edhe në shpejtësinë me të cilin do të udhëtojnë.
“Meqenëse këta të rinj që sapo marrin patentë nuk janë ende të pjekur mjaftueshëm për të perceptuar rrezikun që i vjen nga shpejtësia, unë mendoj që të bëjmë një kufizim në makinat që ato do të duhet të përdorin. Psh një 18 apo 20 vjeçar nuk duhet të drejtojë një makinë me fuqi të lartë motorike, e cila ka dhe shpejtësi më të madhe. Nga ana tjetër nëse rruga ka shpejtësinë e lejuar 90 km orë, këta shoferë do të duhet të ecin me 70 km,”-është shprehur Pëllumbi për “Vizion Plus”.
Sipas deputetit, nëse ky propozim do të marrë miratimin, është menduar që këto kufizime do ti bëhen të ditur drejtuesit të makinës që në momentin që pajiset me patentë.
Pëllumbi shprehet se të tilla rregulla aplikohen dhe në vende të tjera të Europës, ndërsa propozimi i deputetit pritet të shkoj në Kuvend në ditët në vijim./ Opinion.al
