Një aksident tragjik u shënua mëngjesin e së enjtes në veri të Milanos në Itali, rreth orës 07:00. Një tren i Ferrovie Nord, ishte nisur nga Kremona në 5.32 dhe ka dalë nga shinat në Seggiano di Pioltello, para se të mbërrinte në stacionin Lambrate. Bilanci deri më tani është 2 të vdekur dhe dhjetëra të plagosur. Disa njerëz janë ende të mbërthyer në tren dhe zjarrfikësit janë duke punuar për ti shpëtuar, raporton Corriere.it. Po sipas kësaj media, 10 të plagosur janë në gjendje të rëndë, ndërsa në total flitet për 100 persona që kanë lëndime. Deshmitare tregojne se fillimisht kishte një ngadalësim të papritur dhe më pas frenim i forte. Ende nuk dihet se çfare e shkaktoi aksidentin e rëndë. Ekipet e shpëtimit, policia, ambulancat jane ne vendin e ngjarjes.
foto
