4 persona kanë vdekur dhe 2 të tjerë janë plagosur në një aksident të rëndë në Itali.
Mediat italiane bëjnë me dije se aksidenti ka ndodhur mbrëmjen e djeshme rreth orës 23:00 në Bari.
Në përplasjen tragjike janë përfshirë dy makina, një Renault Scenic dhe një Opel Corsa, të cilat janë përplasur kokë më kokë.
Si pasojë e aksidentit kanë humbur jetën katër të rinj të moshës 17 deri në 27 vjeç, të cilët udhëtonin në Opel Corsa. Sipas policisë, të rinjtë në automjetin Opel Corsa ishin dy djem dhe dy vajza.
Ndërsa dy të rinj të tjerë janë dërguar menjëherë në spital me plagë të rënda.
Djali në bordin e Renault Scenic u transportua në Poliklinikën e Barit ndërsa vajza që po udhëtonte me të ndodhet tani në spitalin Di Venere në Bari-Carbonara, ku bëhet me dije se ka pësuar fraktura të shumta.
Zjarrfikësit kanë ndërhyrë në vendngjarje për nxjerrjen e trupave nga automjetet. Në të njëjtën kohë ka ndërhyrë edhe karabinierët për të menaxhuar trafikun.
Kujtojmë qqë ky është aksidenti i dytë i rëndë brenda një kohe kaq të shkurtër, pasi më 23 prill, dy të rinj humbën jetën në një tjetër tragjedi të ndodhur po në këto aske rrugore./Opinion.al
