Një aksident i rëndë ka ndodhur mesnatën e djeshme në superstradën Fushë-Krujë – Thumanë ku për fat të keq kanë humbur jetën dy persona. Një makinë është përplasur me trafik-ndarësen duke dëmtuar 4 shtetas nga të cilët 2 kanë humbur jetën.
Më datë 06.09.2017, rreth orës 23: 40, në superstradën Fushë- Krujë – Thumanë, mjeti me targa AA 166 LA është përplasur ne trafik-ndarësen.
Për pasojë janë dëmtuar rëndë 4 shtetas. Fatkeqësisht kanë ndërruar jetë në Spitalin Ushtarak Tiranë shtetasit R. K. 28 vjeç, banues në Tiranë dhe A.P. 25 vjeç, banues në Laç dhe ndodhen nën kujdesin e mjekëve shtetasit L.S. banues në Laç dhe B.D. banues në Tiranë.
Grupi hetimor po punon për sqarimin e rrethanave të ngjarjes
