Një aksident i rëndë ka ndodhur mëngjesin e sotëm tek mbikalimi i Kamzës në hyrje të Tiranës.
Automjeti tip Ford, me drejtuese një vajzë 21 vjeçe me iniciale B. Ll. nga Durrësi është përplasur me automjetin tip Seat, me drejtues shtetasin I. Z., 25 vjeç po nga Durrësi.
Si pasojë e goditjes automjeti tip Ford i drejtuar nga vajza e re është përmbysur.
Drejtuesja e automjetit tip Ford dhe pasagjerja shtetasja Z. S., 22 vjeçe, janë dërguar në Spitalin e Traumës, jashtë rrezikut për jetën.
Grupi hetimor po punon për sqarimin e rrethanave të kësaj përplasje.
