Një aksident i rëndë ka ndodhur këtë të hënë në Kthesën e Patosit. Mësohet se janë përfshirë në aksident një autobot dhe një makinë tip “Toyota”.
Sikurse duket edhe në pamjet e mbërritura në Tvklan.al, makina është zënë poshtë kamionit që shërben për të transportuar gaz.
Sipas raportimeve, drejtuesi i makinës është dërguar me urgjencë në spitalin rajonal të Fierit ku ndodhet nën kujdesin e mjekëve.
Në vendin e ngjarjes ka mbërritur policia, e cila ka nisur hetimet mbi shkaqet e aksidentit. Mësohet se si pasojë e aksidentit ka patur edhe bllokim të lëvizjes së automjeteve për rreth 30 minuta.
