Aktualitet

Aksident tek “9-katëshet”, makina përfundon në trotuar, plagosen 2 të rinj


Bëhu pjesë e Grupit Zyrtar të Opinion.al
>> KËTU <<
               Publikuar në : 14:15 - 21/02/21 |
Doriana Çepunaj

Dy këmbësorë kanë mbetur të plagosur pasditen e sotme në Tiranë teksa u përfshinë në një aksident rrugor. Ngjarja ka ndodhur rreth orës 13:10, tek 9-katëshet, ku dy automjete janë përplasur dhe si pasojë, një prej tyre ka përfunduar në trotuar.

Nga dalja e makinës në trotuar janë aksidentuar 2 këmbësorët me iniciale J.D., 22 vjeçe dhe A. M., 20 vjeç.

“Janë përfshirë në një aksident mjeti me drejtues E. L me mjetin me drejtues A. M. Si pasojë e aksidentit mjeti me drejtues shtetasin A. M, ka dalë në trotuar, duke aksidentuar 2 këmbësor me iniciale J.D., 22 vjeçe dhe A. M., 20 vjeç” informon policia.

Të plagosurit janë dërguar në spital, për kontroll mjekësor dhe ndodhen jashtë rrezikut për jetën.

Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të aksidentit./Opinion.al

Pas