Një aksident ka ndodhur mesditën e sotme në rrugën “Gjergj Kastrioti,” në qytetin e Vlorës.
Sipas njoftimit të policisë, një automjet tip “Benz” që drejtohej nga një 28-vjeçar është përplasur me një motomjet që drejtohej nga një 48-vjeçar.
Si pasojë e përplasjes, është dëmtuar drejtuesi i motomjetit si dhe pasagjeri që udhëtonte me të. Dy të plagosurit ndodhen nën kujdesin e mjekëve.
Njoftimi i Policisë:
Vlorë/Informacion paraprak
Sot, rreth orës 15:07, në rrugën “Gjergj Kastrioti,” një automjet tip “Benz” me drejtues shtetasin N. Sh., 28 vjeç, është përplasur me një motomjet me drejtues shtetasin A. R., 48 vjeç. Si pasojë e përplasjes, kanë mbetur të dëmtuar drejtuesi i motomjetit dhe pasagjeri që udhëtonte me të, shtetasi M. K., rreth 40 vjeç, të cilët ndodhen në spital, nën kujdesin e mjekëve.
Grupi hetimor po kryen veprimet e mëtejshme për sqarimin e rrethanave të aksidentit.
