Një aksident me pasojë vdekje është regjistruar pasditen e sotme në aksin e vjetër Fier-Vlorë.
Mësohet se një automjet ka përplasur dy çiklistë franceze në afërsi të fshatit Bestrovë.
Për shkak se përplasja ka qenë e fortë një prej tyre ka humbur jetën, ndërsa turisti tjetër ndodhet në gjendje të rëndë në spital.
Mësohet se të aksidentuarit ishin çift bashkëshortësh. Policia ka arrestuar një 24-vjeçar i cili është drejtuesi i automjetit. Aktualisht autoritetet po punojnë për zbardhjen e plotë të rrethanave të ngjarjes.
