Dy persona kanë mbetur të plagosur ditën e sotme në tunelin Tiranë-Elbasan si pasojë e një aksidenti. Sipas informacionit zyrtar, bëhet me dije se aksidenti ka ndodhur rreth orës 12:10, në afërsi të tunelit Tiranë-Elbasan.
Policia njofton se drejtuesit e automjeteve janë dërguar për në spital dhe ndodhen jashtë rrezikut për jetën. Si pasojë e aksidentit që ka ndodhur brenda tunelit që lidh dy qytetet, për momentin është bllokuar qarkullimi i mjeteve të tjera.
Ndërkaq, policia ndodhet në vendin e ngjarjes për të bërë zbardhjen e shkaqeve.
Njoftimi i policisë:
Me date 24.12.2020, rreth orës 12:10, në afërsi të tunelit e rrugës Tiranë-Elbasan, janë përfshirë në përplasje dy mjete. Si pasojë e aksidentit janë dëmtuar të dy drejtuesit e mjeteve, të cilët po dërgohen në spital, jashtë rrezikut për jetën.
Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes./Opinion.al
