Një aksident ka ndodhur pasditen e sotme në fshatin e Dajçit të Shkodrës.
Mësohet se një makinë ka përplasur një këmbësor teksa ishte duke kaluar rrugën. I plagosuri është transportuar për në spitalin e Shkodrës dhe po merr ndihmën e nevojshme mjekësore.
Bëhet me dije, se i plagosuri ka marrë disa fraktura në pjesë të ndryshme të trupit, por është jashtë rrezikut për jetën.
Ndërkohë, policia ka mbërritur në vendin e ngjarjes dhe ka shoqëruar drejtuesin e mjetit, i cili do të merret në pyetje për zbardhjen e plotë të rrethanave të aksidentit./ Opinion.al
