Një aksident është shënuar mëngjesin e së shtunës në vendin e quajtur “Ura e Kirit” në Shkodër.
Një automjet, që drejtohej nga një 59 vjeçar, ka përplasur një 43 vjeçare që lëvizte me biçikletë.
Si pasojë është dëmtuar drejtuesja e biçikletës, e cila është nën kujdesi e mjekëve.
“Rreth orës 06:30, në vendin e quajtur “Ura e Kirit”, automjeti me drejtues shtetasin F. H., 59 vjeç, ka përplasur shtetasen L. B. 43 vjeçe, banuese në fshatin Vukatanë, e cila lëvizte me biçikletë.
Si pasojë është dëmtuar shtetasja L. B., e cila është nën kujdesi e mjekëve”, njoftoi policia.
Grupi hetimor po punon për sqarimin e rrethanave të aksidentit.
