Një aksident është regjistruar sot në rrugën Pogradec-Qafë Thanë midis fshatit Udënisht-Pojskë.
Sipas informacioneve, një mjet me targa greke ka dalë nga rruga dhe është përplasur me trafik-ndarësen.
Nga aksidenti janë regjistruar vetëm dëme të shumta materiale dhe fatmirësisht nuk ka patur persona të lënduar. Policia ndodhet në vendngjarje për të zbardhur rrethanat e aksidentit.
Dy ditë më parë po në këtë aks rrugor pranë fshatit Udënisht u përplasën 3 mjete, ku mbetën të plagosur dy turistë anglezë.
Shpesh herë drejtuesit e automjeteve ankohen se hedhja e vajit në rrugën nacionale Pogradec-Qafë Thanë bëhet qëllimisht për të provokuar aksidente.
