Një aksident është regjistruar mbrëmjen e sotme në aksin rrugor Korçë-Pogradec, në fshatin Plloçë.
Mësohet se një makinë e cila drejtohej nga një 41-vjeçar ka përplasur një këmbësor. Sipas të dhënave, 55-vjeçari i plagosur është transportuar për në spitalin e Pogradecit, por ndodhet në gjendje të rëndë shëndetësore.
Ndërkohë, policia ka shoqëruar drejtuesin e mjetit si dhe po punon për zbardhjen e plotë të dinamikës së aksidentit.
Njoftimi i policisë
Më datë 10.01.2020, në aksin rrugor Korçë-Pogradec, në fshatin Plloçë, shtetasi R. S., 41 vjeç, banues në Gështenjas, duke drejtuar mjetin tip “Benz”, ka aksidentuar shtetasin Sh. R., rreth 55 vjeç, banues në Gështenjas, këmbësor në rrugë, i cili u dërgua në Spitalin e Pogradecit ku ndodhet në gjendje të rëndë shëndetësore. Drejtuesi i mjetit, është shoqëruar në ambjentet e Komisariatit për veprime të mëtejshme. Grupi hetimor në vendngjarje, po punon për zbardhjen e shkaqeve të aksidentit.
