Një aksident ka ndodhur pasditen e kësaj të hëne në aksin rrugor “Këlcyrë-Dragot” të Përmetit.
Sipas uniformave blu, mësohet se shoferi i një kamioni ka humbur kontrollin dhe mjeti ka dal nga rruga.
Si pasojë, shoferi ka mbetur i plagosur dhe është dërguar për ndihmë mjekësore, në spitalin e Tepelenës.
“Rreth orës 18:00, në aksin rrugor “Këlcyrë-Dragot”, në vendin e quajtur “Fusha e Dragotit”, shtetasi, 64-vjeç, ka humbur kontrollin mbi drejtimin e automjetit kamion, dhe për pasojë ky automjet ka dalë jashtë rruge.
Nga aksidenti, është dëmtuar 64-vjeçari, i cili u dërgua për ndihmë mjekësore, në spitalin e Tepelenës”, tha policia.
Grupi hetimor vijon punën për sqarimin e plotë të rrethanave të këtij aksidenti.
