Një minator ka humbur jetën këtë të mërkurë si pasojë e një aksidenti në galerinë e një miniere kromi në zonën e Bulqizës.
Sipas të dhënave nga policia, humbi jetën në galeri minator 49 vjeçar F.K.
“Rreth orës 12.10, Policia e Bulqizës ka marrë njoftim se në galerinë e një miniere kromi, dyshohet se gjatë punës është aksidentuar dhe për pasojë ka humbur jetën shtetasi F. K., 49 vjeç”, thuhet në njoftimin e policisë.
Grupi hetimor ndodhet në vendngjarje, po kryen veprimet për dokumentimin e plotë të rrethanave të ngjarjes.
