Një aksident rrugor është regjistruar këtë të dielë rreth orës 14:30, në aksin rrugor Memaliaj – Krahës, në afërsi të fshatit Krahës. Policia bën me dije se dy automjete janë përplasur dhe për pasojë janë dëmtuar drejtuesit e automjeteve si dhe 4 pasagjerët. Të lënduarit janë transportuar në spital për të marrë ndihmën mjekësore.
“Rreth orës 14:30, në aksin rrugor Memaliaj – Krahës, në afërsi të fshatit Krahës, janë përplasur automjeti tip “Renault” me drejtues shtetasin L. F., 50 vjeç, banues në Mallakastër, me autiomjetin tip “Benz” me drejtues shtetasin A. M., 36 vjeç banues në Përmet.
Për pasojë janë dëmtuar drejtuesit e automjeteve si dhe 4 pasagjerët, të cilët janë transportuar në spital për të marrë ndihmën mjekësore”, njofton policia.
Në vendngjarje ndodhet grupi hetimor dhe po punon për zbardhjen e shkaqeve të aksidentit./Opinion.al
