Një aksident automobilistik ka ndodhur para disa çastesh në Librazhd. Mësohet se një automjet tip “Mercedez Benz” në ngjyrë gri me targa “TR 1946 R” ka qenë duke udhëtuar me shpejtësi të madhe dhe ka humbur kontrollin duke goditur si fillim parmakët e një karburanti në krahun tjetër të karrexhatës, dhe duke përfunduar kështu poshtë një traileri me targa turke “34 VA 2181” që gjendej në karburant.
Në automjet ndodheshin 4 persona të cilët mësohet së kanë marrë plagë të lehta por pa pasoja. Sipas “JOQ” thonë se personat që udhëtonin në Benz ishin duke u kthyer nga një varrim kur përfunduan poshtë trailerit.
Dy prej grave që gjendeshin brenda në makinë pësuan çarje dhe shembje në pjesë të ndryshme të trupit, por fatmirësisht gjenden jashtë rrezikut për jetën.
Gjithashtu shoferi i “Benz-it” pësoi dëmtime të lehta si çarje nëpër duar edhe fytyrë, por edhe ky i fundit gjendet jashtë rrezikut për jetën.
Ambulanca u gjend menjëherë në vendngjarje dhe të plagosurit janë trasnportuar për në spitalin e Librazhdit.
