Një 76-vjeçar ka mbetur i vdekur si pasoj i një aksidenti të ndodhur ditën e sotme në autostradën Lezhë-Shkodër.
Mësohet se aksidenti ndodhi në vendin e quajtur “Kryqëzimi i Gjadrit”, ku një automjet i cili drejtohej nga 36-vjeçari A.H., ka përplasur për vdekje 76-vjeçarin i cili udhëtonte në një motoçikletë.
Ndërkohë, policia e mbërritur në vendngjarje ka shoqëruar drejtuesin e automjetit, i cili po merret në pyetje për të zbuluar rrethanat e plota të aksidentit.
Njoftimi i policisë
Në autostradën Lezhë-Shkodër, në vendin e quajtur “Kryqëzimi i Gjadrit”, mjeti me drejtues shtetasin A.H., 36 vjeç, banues në Shkodër është përplasur me një motoçikletë me drejtues shtetasin N.Gj., 76 vjeç, banues në Lezhë dhe pasagjere shtetasja N.Gj.,75 vjeçe, banuese në Lezhë.
Si pasojë e përplasjes ka ndërruar jetë drejtuesi i motoçikletës shtetasi N.Gj, dhe ka mbetur e dëmtuar pasagjerja, e cila është transportuar në spitalin Rajonal në Lezhë ku ndodhet nën kujdesin mjekësor.
Drejtuesi i mjetit është shoqëruar në polici dhe po punohet për sqarimin e rrethanave të aksidentit./ Opinion.al E.Xh.
